ವಿವಾದಾತ್ಮಕ ಫ್ಲೆಕ್ಸ್: ಪ್ರಕರಣ ದಾಖಲು
ಬಾಗಲಕೋಟೆ: ಈದ್ ಮಿಲಾದ್ ಪ್ರಯುಕ್ತ ನಗರದ ಪಂಕಾ ಮಸೀದಿ ಬಳಿ ಕಟ್ಟಲಾಗಿದ್ದ ವಿವಾದಾತ್ಮಕ ಫ್ಲೆಕ್ಸ್ ತೆರವುಗೊಳಿಸಲಾಗಿದ್ದು, ಇಬ್ಬರ ಮೇಲೆ ಪ್ರಕರಣ ದಾಖಲಾಗಿದೆ.
ಈ ಸಂಬಂಧ ಜಾಫರ್ ಹನುಮಸಾಗರ, ಇಸ್ಮಾಯಿಲ್ ಬಾಗೇವಾಡಿ ಹಾಗೂ ಇತರರ ವಿರುದ್ಧ ಶಹರ ಠಾಣೆಯಲ್ಲಿ ನಾಗೇಶ ಅಂಬಿಗೇರ ಎಂಬುವರು ದೂರು ದಾಖಲಿಸಿದ್ದಾರೆ.
ಪ್ರಕರಣದಲ್ಲಿ ಭಾಗಿಯಾದವರ ಇತರ ವ್ಯಕ್ತಿಗಳ ಪತ್ತೆ ಮಾಡಲಾಗುತ್ತದೆ.ಇಂಥ ಸೂಕ್ಷ್ಮ ವಿಚಾರದಲ್ಲಿ ಶಾಂತಿಗೆ ಧಕ್ಕೆ ತರುವ ಕೆಲಸವಾಗಬಾರದು. ಈ ವಿಷಯಕ್ಕೆ ಸಂಬಂಧಸಿದಂತೆ ಏನೇ ಮಾಹಿತಿಯಿದ್ದರೂ ಸಮೀಪದ ಪೊಲೀಸ್ ಠಾಣೆಗೆ ಮಾಹಿತಿ ನೀಡುವಂತೆ ಎಸ್ಪಿ ಸಿದ್ದಾರ್ಥ ಗೋಯಲ್ ಸಾರ್ವಜನಿಕರನ್ನು ಕೋರಿದ್ದಾರೆ.
