ವಿವಾದಕ್ಕೆ ಕಾರಣವಾದ ಕಟೌಟ್..!
ಬಾಗಲಕೋಟೆ:
ಈದ್ ಮಿಲಾದ್ ಸಂದರ್ಭದಲ್ಲಿ ಕಟ್ಟಲಾಗಿದ್ದ ಕಟೌಟ್ವೊಂದು ವಿವಾದಕ್ಕೆ ಕಾರಣವಾಗಿದೆ. ಹಮಾಸ್ ಉಗ್ರನನ್ನು ಬಿಂಬಿಸುವ ಚಿತ್ರ ಇರುವುದಕ್ಕೆ ಹಿಂದೂಪರ ಸಂಘಟನೆಗಳು ಆಕ್ಷೇಪಿಸಿವೆ.
ಸೆ.೯ರ ಮಂಗಳವಾರ ಬಾಗಲಕೋಟೆ ನಗರದಲ್ಲಿ ಈದ್ ಮಿಲಾದ್ ಮೆರವಣಿಗೆ ಏರ್ಪಡಿಸಲಾಗಿತ್ತು. ಮೆರವಣಿಗೆ ಸ್ವಾಗತಿಸಲು ಪಂಕಾ ಮಸೀದಿ ಬಳಿ ಬೃಹದಾಕಾರದ ಕಟೌಟ್ ಕಟ್ಟಲಾಗಿತ್ತು. ಅದರಲ್ಲಿ ಕಿಂಗ್ಸ್ ಆಫ್ ವರ್ಲ್ಡ್ ಎಂದು ಮುಸ್ಲಿಂ ರಾಜರುಗಳನ್ನು ಹೋಲಿಸುವ ಚಿತ್ರಗಳ ಜತೆಗೆ ಮಿಲ್ಟರಿ ವೇಷಧಾರಿಯಾಗಿರುವ ಕೈಗೆ ಪ್ಯಾಲೆಸ್ಟೆöÊನ್ ಧ್ವಜ ಅಂಟ್ಟಿರುವ ಹಮಾಸ್ ಉಗ್ರ ನಾಯಕನದು ಎನ್ನಲಾದ ಚಿತ್ರವನ್ನು ಹಾಕಲಾಗಿದೆ. ಈ ಬಗ್ಗೆ ಸ್ವಯಂಪ್ರೇರಿತ ದೂರು ದಾಖಲಿಸಿಕೊಳ್ಳುವಂತೆ ಹಿಂದೂಪರ ಸಂಘಟನೆಗಳು ಪಟ್ಟು ಹಿಡಿದಿವೆ.
ಕಟೌಟ್ ಗಮನಿಸಿ ಬುಧವಾರ ಸಂಜೆ ಶಹರ ಪೊಲೀಸ್ಠಾಣೆಯಲ್ಲಿ ಜಮಾಯಿಸಿದ ಕಾರ್ಯಕರ್ತರು, ಕಟೌಟ್ ವಶಕ್ಕೆ ಪಡೆದುಕೊಳ್ಳಬೇಕು ಪ್ರತಿ ಬಾರಿ ಈದ್ ಮೆರವಣಿಗೆ ನೆಪದಲ್ಲಿ ಇಂಥ ದೃಷ್ಕೃತ್ಯಕ್ಕೆ ಕಾರಣವಾಗುತ್ತಿರುವವರನ್ನು ಪತ್ತೆ ಮಾಡಿ ನಿರ್ದಾಕ್ಷಿಣ್ಯ ಕ್ರಮಕೈಗೊಳ್ಳಬೇಕೆಂದು ಆಗ್ರಹಿಸಿದರು.
ಮುಖಂಡ ಗಿರೀಶ ಭಾಂಡಗೆ ಮಾತನಾಡಿ, ಪಂಕಾಮಸೀದಿ ಬಳಿಯಲ್ಲಿ ಟಿಪ್ಪುಸುಲ್ತಾನ್ ಚಿತ್ರದೊಂದಿಗೆ ಹಮಾಸ್ ನಾಯಕನ ಚಿತ್ರವನ್ನೂ ಹಾಕಲಾಗಿದೆ. ಕಳೆದ ಬಾರಿ ಮೆರವಣಿಗೆಯಲ್ಲಿ ಪ್ಯಾಲೆಸ್ಟೆöÊನ್ ಧ್ವಜ ಹಾರಿಸಲಾಗಿತ್ತು. ಈಗ ಉಗ್ರನ ಭಾವಚಿತ್ರ ಹಾಕಲಾಗಿದೆ. ಇದು ಏನನ್ನು ಸೂಚಿಸುತ್ತದೆ ಎಂಬುದಕ್ಕೆ ಪೊಲೀಸರು ಉತ್ತರಿಸಬೇಕೆಂದು ಹೇಳಿದರು. ಈ ಬಗ್ಗೆ ಪೊಲೀಸರ ಗಮನಕ್ಕೆ ತಂದರೆ ಲಿಖಿತ ದೂರು ನೀಡು ಎನ್ನುತ್ತಿದ್ದಾರೆ. ಸ್ವಯಂ ಪ್ರೇರಿತ ದೂರು ದಾಖಲಿಸಿಕೊಂಡು. ಹಿಂದೂ ಜಾಗರಣ ವೇದಿಕೆ ಕಾರ್ಯಕರ್ತರು ಇದ್ದರು.
